Innkjøpsordninga for nye, norske teikneserier er selektiv, noko som betyr at eit utval les og vurderer den kunstnariske kvaliteten. I runde #2 2018 vart halvparten av dei påmeldte titlane innkjøpt og halvparten nulla. Tord Torpe og min teikneserie Kjøt var av dei innkjøpte. Det er ikkje overraskande, i og med Tords eksepsjonelle illustrasjonsarbeid. Her er ein tilnærma uendelegheit av visuelle referansar, og sjølvstendige historier langsmed den verbale historia. Han tok Gull i kategorien illustrasjon for Kjøt.
Innkjøp + Gull i Visuelt
![Bildet er frå Visuelt-utdelinga, og er tatt av Svein Størksen, forleggaren som står bak matchinga av Tord Torpe + M. Karlsvik (Magikon forlag)](http://skrift.info/sites/default/files/field/image/screenshot_2019-04-18_at_10.22.25.png)
Teikneserien Kjøt er no å finne i tusen bibliotek over heile landet. Den kom gjennom den selektive innkjøpsordninga. Og teiknaren, Tord Torpe, tok endåtil den gjævaste prisen under Visuelt-utdelinga for bilda i boka.